+*(ضغوطات سيهات)*+

[الغالي]

ضغوطات الحياة من حولنا كثيرة .. وخاصة في زمننا هذا.. تفوق درجات الضغط الجوي.. وصلت إلى درجة أن هذه الضغوطات تصيب الكثيرين بالضغط :compress: .. ومن المعروف أن كثرة الضغط يولد الإنفجار :cv: .. فحتى لا نصاب بالإنفجارأضفت هذه الصفحة وأردت أن يكتب فيها مواقف من واقع الحياة .. مواقف تسبب أو كادت أن تسبب لنا الضغط ونطرحها علنا نجد حلا لها... وسأترك لكم سرد ضغوطاتكم في البداية.. فأخرجوا ما بداخلكم..

[King William]

شكرا على الموضوع

1-الي يجيب لي الضغط هو لما اتكلم مع اي احد يقول ها!! وشو قلت ؟ ولما اسأله وشو سمعت يقول نفس الكلام ....فأذا سمع ليش يستهبل أحممممممممممممممق
2- الي يجيب لي الضغط وانا اسوق السياره هو لما انتظر سياره في تقاطع حق تعبر ويتبين لي بعد هذا الانتظار انه بيلف ......اخخخخخخ نفسي اكسر اياديه حق يطق أشارة.. ابي اعرف ليش اختارع الاشارة في السياره!!!!

الحين انا احسن اني فضفضت عن نفسي ....

باي

[flower princess]

ههههههههههههه

حلوة ياعديل الحب بصراحة ماتلام خاصة في سالفة التقاطع

1- أنا أكثر شئ يقهرني إذا مشيت في الشارع وقاموا الرجال يطالعون فيني ولا يشلون عينهم عني يعل عينهم البط إن شاء الله:bomb: وأقهر شئ إذا قطوا علي كلام قذر مثلهم والله علة:evil_2:
يعني ليش ما يغضون بصرهم أحد قال لهم طالعوا أول نظرة لك ثاني نظرة حرام
بعد لا العباية مطرزة ولا فيها شئ يلفت النظر والله حالة
2- وفي السوق ألأربعاء وغيره يجون يزحمون السوق بسياراتهم شاطرين يدورون ويؤدون خلق الله وإذا أهلهم إحتاجوا مشوار ماتحركوا وداهم لأي محل
واللي يزيد الطين بلة هالبنات الصيع اللي يعطونهم وجه
يعني الواحد إذا بغى يروح السوق ما يطيق يروح من البلاوي اللي فيه
:icon9: وبعدين إذا تذكرت الباقي بكتبته
وتحياتي لك أخي الغالي mm
ومشكور على الموضوع

[girls]

ههههههههه
شوي شوي لاتنفجرون ترى الدنيا ماتسوى:cool: ,طنش تعش تنتعش :خجل: :خجل:

عديل الروح :
(الي يجيب لي الضغط هو لما اتكلم مع اي احد يقول ها!! وشو قلت ؟ ولما اسأله وشو سمعت يقول نفس الكلام ....فأذا سمع ليش يستهبل أحممممممممممممممق)

في مثل يقول:frown: من قال ها سمع:detective

[شمس الهدى]

مرحبا بالجميع ..

أكثر ما يزعجني .. هو قلة النظام او إنعدامه لدينا سواء في تعاملاتنا مع بعض ,, او داخل مجتمعنا وأنظمتنا التي تحكمنا ..

بلد بدون نظام هي بلد بلا حضارة ...؟؟!!

تحياتي .

[روز سيهات]

.. السلام ..

.. أنا كل شئ يقهرني ويجيب لي الضغط :aq: ..

.. فيه شئ يقهرني ..
.. ذيك الحزه ودي الأرض تنشق وتبلعني..
.. لما أجلس مع خالاتي ..
.. وأي حركه أو كلمه قالوا عيب إنتين بنيه..
.. إحنا نسوان..
.. حتى في الأشياء العاديه ..
.. مثلا المشمر اللي حق الصلاه..
..أقول لأمي أخدي ديه أحسن..
.. يردون علي هادي شغلة كبار..
..أنتين ماتفهمين فيها..
.. يعني هالمشمر أنا مابصلي فيه :mad: :mad: ..
..تدرون لما يقولون كدا أحس يطلع من خشمي..
.. هواء حار..
.. ناس معقدين وصارمين بشده ..
..وش هالبلا..

.. الحين خفوا عن أول ..
.. يعتبروني كبيره ومن سنهم..
.. بس ساعات يخورون ويخربونها..

..و بعد أنقهر من اللي يعايي..
.. خاصه لما أحد يعاييني في شئ متأكده منه..
.. مثل أخت طالبه لما كنت بالرياض من كم اسبوع..
.. صارت معاي بالباص غصب تعاييني إن خدمة المجتمع مافيها..
.. تمريض..
.. قلت لها أنا سجلت تمريض فيها..
.. قالت لا أنا ماسمعت ..
..قلت لها فيها لكن..
..إلا تقول لا ماأصدق ..
.. اقسم بالله ربع ساعه وهي تتكلم لحالها..
..تقول لا مااصدق فيها بس حاسب ومحاسبه ..... الخ..
..بس مافيها تمريض..
.. يوم حمقت ..
.. قلت لها بقوه ..
.. أقولش فيها :mad: ..
.. قالت لا مافيها..
.. قلت أهوووووووووو عن ويهش أقوم عنش أحسن..
.. تقهر ولا ماتقهر برايكم..
.. صح في ناس تجيب الضغط..
.. وفي ناس تجبرك أنك تغلط عليهم وانت ماودك بهالشئ..

[ليزر الخليج]

.. اللهم صلِ على محمــــد وآل محمــد ..

.. أهلاً بالجميع ..

.. انا ما يرفع ضغطي ألا لمى أسئل سؤال ويجيني جواب غير عن جواب السؤال ..
.. او..
.. أسئل ويجاوبون علي ماندري !!..
.. وألا يرفع ضغطي بعد لمى يجون يهال عائلتنا في البيت وانا جالس على النت ..
.. يرفعون ضغطي بالقوه ياهل يجي لي يصيح ليش مالعبوه معاهم ..
.. وياهل يتهاوش مع الثاني على ألا يلعب في السوني ..
.. ولمى أكون ألعب سوني 2 ويجون ويقوموني غصب او يجلسون يصيحون ..

.. الله يعين الجميع .. والله يعيني بعد اشوي بيجون اليهالووووه ..

..تحياتي الليزريه للجميع ولكاتب الموضوع ..

[نبراس الولاية]

اللهم صل على محمد وآل محمد وعجل فرجهم ياكريم

السلام عليكم


في الشارع

الضغط

بمعنى

ترصيع

في النهاية

يكون

مداس

هذا واقع أبكي إذا رأيتة من فتيان وفتايات جيلنا

*****

في الواحة الثقافية

الضغط

ملح

يعني

ماصخ

باصق

واقع يمثل عقول صغيرة


ليتنا لا نراها :frown:

[الغالي]

سلام

الظاهر أن كل واحد طلع عنده أشياء ضاغطتنه وأنا عطيتكم الحبة الورديه والبيضا >> لون حبوب الضغط كدا

وفعلا هذي كلها أشياء تنرفز الواحد وتخليه يفقد أعصابه :ranting: .. بس لما تسمعون أو تقرون اللي عندي .. جهزوا لكم

أكياس من الحبة الوردية والبيضا..

================

" عديل الحب "

1- يقولون " من قال ها سمع " فإذا يوم واحد قالك ها قوله راحت عليك ولا تكرر الموضوع مرتين ..

تصدق إني أعاني نفس المشكلة .. بس على الغالب إني صوتي منخفض ..فاللي اكلمه ما يسمعني.. بس فيه احتمال إن اللي تكلمه

عنده حالة صمخ ..

2- بالنسبة للسيارات فمشكلتك صعبة والشعب السعودي مو بس معروف ..إلا مشهووور بالنظام في السياقة

والحياة خير برهان :busted_co

ودام فضفضت عن نفسك .. فالدنيا بخير

وننتظر المزيد من فضفضاتك

باي
=================

"flower princess9"

1- مشكلة الرجال اللي يطالعون صارت معاناه في مجتمعنا والأدهى فعلا إن الجرأة وصلت بهم إن يقطون كلام على البنت .. أنا أقول إن الطرفين ملامين

الشباب والشابات لأن الكل صار يساهم في هذي الظاهرة

فإذا كانت بعض الفتيات بل الكثيرتقوم بلبس ثوب السهرة" لمخصر" .. واحطت أحلى كحل .. وأحلى عطر .. وين الشباب ما يطالعون

فالبنت مثل ما قلتي تلبس عباية راس ومتغطية وماتسلم فكيف اللي لا بسة العكس .. فالواجب على البنت أن تتمسك باللباس الصحيح

وتتحاشى أماكن الشباب .. وبكدا تكون سوت اللي عليها

أما بالنسبة لنا أحنا الشباب .. كلما زاد الإبتعاد عن الله والإنغماس في بحور الشهوات .. زاد الإقبال على هذه الظاهرة والتحرش في بنات الناس

وماتت الغيرة عنده .. ما يدري إن هذي البنت وغيرها وغيرها تمثل عرضه تمثل بنت بلده تمثل أخته وأمه ..

وأتمنى إن الكل يذكر إن من تتبع عورات الناس فضح الله عورته

2- سوق الأربعاء .. سوق الأربعاء عند باب بيتنا وأنا في وسط المعمعة والسوق معروف محل ما ينشر إبليس رايته :devil2: ..

نصيحتي لكل البنات إن تبتعد عن الأسواق قد ماتقدر .. وإذا راحت فتروح مع رجال ..

تحياتي

=====================


" girls"

أنا حاط الموضوع لأني حسيت فيه ناس إذا ما تكلمت

بتنفجر .. خلهم يعبرون


ننتظر انفجارك

======================

" شمس الهدى "

يسعدني وجودك معنا

أصبنا بقلة النظام ليس في بلدنا فقط .. بل العرب كلهم مصابون بقلة النظام

وإذا تم القضاء على الطاعون .. فمرض الفوضى نحن مصابون به

من عصور الظلام .. مع أن الدواء في نفس وفكر كل واحد منا

وجمعينا نحمل المفتاح في أيدينا .. لكن لانتجه نحو قفل الباب الصحيح :lock:


تحياتي

========================

" روز سيهات "

1-من المؤسف أننا نعيش في مجتمع تأخذ فيه حركات وتعابير الصغير

على أنها جرأة زايدة أو " قلة أدب " طبعا نابعة من خوف الأهالي

على أولادهم وخاصة في زمن مثل زمننا .. أما بالنسبة لأبداء الرأي

مثلا : المشمر حلو مو حلو .. لا أحد يوقفك عن إبداء رأيك حاولي

لحد ما يكون لك رأي مسموع :006:

أما بالنسبة لي الهوا الحار مايطلع من خشمي ..إلا إذا جلست عند حلاق

وحلق أقصد نتف شعري..وأنا أطالع :helpsmili .. وفوق هذا كله أكون متحمل ريحته .. هذي الحالة يطلع هوا حار من خشمي

بس أقول .. ما حد قالي أجي وأحلق عند هذا الحلاق

2- بالنسبة اللي يعايونن وانتي متأكدة إنك صح هذي فئة مريضة منتشرة في المجتمع

يسموهم " بو العريف " اللي يفهم في كل شي في الحياة ودام انتي متأكدة إنك صح

اتركيهم عنك .. أوحل ثاني عطيهم كف على فمهم :boxing: وقولي لهم : قلت لك صح يعني صح >> أمزح

مو تسوينها ونشوف نص سيهات يتمشون بدو ضروس

=========================

" ليزر الخليج "

1-فيه شريحة من الناس " مفهيه :nono: " يعني دائما بتسألهم سؤال وبردون بجواب غير عن السؤال

وفيه ناس تحب تعطيك قصة حياتها قبل ما تجاوب على السؤال فخليك " ليزر "

ومش عنهم .. ولو حبيت تحشمهم خلهم يتكلمون وانت اشغل نفسك في شي ثاني

مثلا فكر في شي ثاني طول مايتكلمون.. المهم اشغل حالك.. مجربة وناجحة 100%

2- اليهال مالهم حل .. حاول إنك تكون برا البيت في الوقت اللي يجون فيه..

أو صبر نفسك واشتغل مربية

======================

" نبراس الولاية "

مرحبا بك

1-الشارع .. صار المربي الرئيسي لكثير من ابناءنا للأسف

2- الواحة الثقافية المفروض يتغير أسمها لواحة محو الأمية >> ويمكن بعد يناسب

تحياتي

========================

احين جى دوري وأنا بفضفض جهزوا حبوب الضغط جمبكم >> لاتنسون وحده بيضا ووحده وردية

[الغالي]

من هذه القصة ومن هذا الموقف .. خرج موضوعي.. فاقرأوا فضفضتي بصدر رحب..

كان الجو حارا رطبا كما نعلم كلنا .. مثل قدر موضوع تحت النار والشمس تضرب فوقه وأنت بالداخل .. مع أن الوقت كان ليلا .. ركن أحد أصدقائي سيارته بالقرب من " بوفية " .. كانت معروفة بأكلها الشهي .. خصوصا " الربيان " .. كانت سيارتان أخرتان مركونتان بالقرب منا .. كما كان هناك متسولا بالخارج رث الثياب يتصبب العرق من كل خلية ومن كل مسام في جسمه .. ضرب صديقي هرن السيارة كي يأتي العامل ليأخذ الطعام.. نظر العمال اتجاهنا وأشار أنه سيعود في لحظات ..

في الخارج .. في الجو الحار .. رأيت المتسول يتجه إلى أحد السيارات المركونه بقربنا ويدق النافذة .. طالبا للمال .. ومن المعروف في المنطقة أنه يطلب عادة ريالا أو عشره .. لكن راعي السيارة لم يعره أي اهتمام .. وحرك سيارته إلى الأمام قليلا باتجاه " البوفيه "

أنا : هذا ويش فيه مسوي حاله

صديقي : هذا فلان يعني ما تعرفه بيزهقه وكل يوم بجيله يبغى فلوس

أنا : أعرفه.. بس تدري أنه ما بيطلب أكثر من ريال وفي هذا الحر

في هذه الأثناء جاء العامل يدق نا فذتي وفتحتها

العامل : ويش يبغى

صديقي : واحد شيز وواحد ربيان وواحد بيبسي

العامل: بدو مايونيز بدون طحينه

صديقي : خلاص عرفني زين ما نسى

لم أطلب شيئا لأني قد كنت تناولت العشاء في وقت سابق ..

بعد وقت قصير.. رجع المتسول وقد حصل على ريالا لا أدري من أين .. وتوجه إلى " البوفية" ووضع رجله على العتبة القصيرة للبوفية فزلت قدمه ووقع .. وكان يحاول الوقوف مجددا كالطفل الذي يتعلم السير للتو .. لكن دون فائدة .. نظرت حولي .. لازالت السيارة الأولى الذي كان المتسول يطلب منها المال لاتزال موجوده وكان الشخص بداخلها .. ينتظر الطلب .. وهو يتحدث مع أحد أصحابه .. وينظران إليه بلا مبالاة ..

قلت لنفسي : شكله مافيه إلا أنا بقوم أساعده .. لكن أنا أبغى من يساعدني أشيل نفسي " إذ تعرضت لحادث خفيف مؤخرا ولا تزال بعض الرضوض تألمني "

نزلت من السيارة .. وتوجهت إلى المتسول وساعدته ليتكأ علي لينهض .. وضعت يداي تحت ذراعيه وحول خصره .. وساعدته في النهوض

أنا : زين أنت .. ما تعورت؟

المتسول : مهموم أنا


أنا: أدري !!

عدت إلى السيارة .. ودخل المتسول إلى " البوفيه " واشترى " ميرندا فراولة "وخرج ثم جلس بجانب البوفيه يشربه بنهم عله يقتل حرارة الجو ..وكأنه يحاول أن يطفأ نارا استعرت في جوفه.. حتى أني تخيلت أن دخانا يخرج من فمه إثر انطفاء النار.. لكن أكيد بدون فائدة .. ومشت السيارة التي بجانبنا .. وفجأة..

العامل يدق النافذة : خلاص طلب!!

أخذنا الطلب ومشينا .. والمتسول لايزال يشرب " الميرندا " بجانب " البوفيه "

لا حاجة إلى أن أشير إلى المواقف التي ترفع الضغط واللبيب بالقراءة يفهم >> تحريف جديد

السؤال: وين جمعية سيهات عن مثل الناس المحتاجه دي اللي مالها أحد ؟

[flower princess]

والله صدق أخوي الغالي mm
شئ يعور القلب ويحز في النفس:009:
حرام مسكين :015:
هذا الموقف بحق وحقيق اللي يمثل أكبر الضغوطات في مجتمعنا ولابد من إيجاد حل لهذه المشكلة:ranting:
اللهم أغني كل فقير
اللهم أطعم كل جائع
اللهم إكسي كل عريان
اللهم فرج عن كل مكروب

[أبو أزهرالدبيبي]

بسم الله الرحمن الرحيم

أعجبتني مشاركة الأخ ( الغـــــاليmm) ...

وتجعل الإنسان يتوقف فوق تل منطقتنا الحبيبة , وينظر لما كان في السابق من الأنفس الجميلة التي تحمل بعضها البعض وبين ماحل في هذا الحاضر .

الكــل يبحث عن راحته الشخصية , ولايهمه غير المتعة والإستمتاع والتلذذ ولو على حساب الآخرين , وقبل أن نسأل الجمعيات الخيرية ودورها لمساعدة هذا المسكين .. فلنسأل هذا السؤال : أين هم أصحاب القلوب الرؤوفة الرحيمة الذين يتصدقون ويتبرعون لله وفي سبيل الله ..
بين الفينة والأخرى نتكلم عن الخمس والأخماس .. بينما حينما ننظر للواقع فإن الكثير من الناس يتهربون من دفعه , بينما هو واجب شرعي في عنق من يستحق عليه الخمس , فإذا كان هذا الواجب , فكيف بالمستحب وهي الصدقة ...

الله في كتابه العظيم يقول ( وأما السائل فلاتنهر ) ..
ونحن بحجة أن هذا السائل قد يكون نصّاباً وإن أعطيناه سيكرر هذه الفعلة والأفضل عدم إعطاءه , لمــــــــاذا نحــــكم على الناس بما نظنه نحن فيهم .
أولو كان فقيراً ومحتاجاً ويتلوى أطفاله من الجوع , أيّهما أفضل : أن أشتري لي من المطعم بـ 50 ريال للأكل ثلثيه وأرمي الثلث الباقي أو اعطاء هذا الفقير ولو 15 عشر ريالاً من هذه الخمسين . ؟؟

أصبح الكثير منّا بلامشاعر , فكل مصيبة ٍ نسمعها أو نراها أما أن نعلق عليها بتعليقات ٍ ساخرة , أو نتمتم بكلمتين ( إنا لله وإنا إليه راجعون ) , ( لا حول ولا قوة إلا بالله العظيم ) دون اتخاذ موقف ايجابي إزاء هذه المصيبة .
لماذا قست القلوب , وتبددت المشاعر , وحتى المشاعر أصبحت بلا مشاعر ..
الحب أصبح سلعة. .. والكره أصبح موقف ..
الخوف أصبح سلامة .. والشجاعة أصبحت تهور ..
البخل أصبح حكمة ... والكرم أصبح إسراف ..

إلهي .. أنا إنسان بين التراب والماء ... والهواء والنار ..
فلا تركني لأحدهما لكي لا أهلك .. بل وازني بينهما لكي أفنى .

[كيفي سيهاتي]

اكثر شي يقهرني

العباءة المخصرة بالقوه

وقت الا اشوفها احس بشي يخنق صدري

[أميري علي]

أما أنا اكثر شي يرفع ضغطي 1000

إنك لما تواعد واحد وما يجيك إلا بعد ساعه من الوقت لا ويضحك في وجهك لما تقوله ليش متأخر يقولك ما عليه مواعيد عرب
ويش أسوي

[مجهولة التفكير]

موقف هذا الاسبوع شفته ورفع ضغطيه ..

وحنا في طريقنا للمكتبه الا واحد معوق واقف في وسط الطريق ونزل الرجال من السياره
وراح يسطر في وجه المعاق اسطارات لان واقف في وسط الطريق ومعطل السيارات اللي وراه
المفروض الرجال يكلمه بهداوه مو يضربه .. والله حرام عليه كسر خاطري..

[الغالي]

سلام

"flower princess9"

المشكله إن في بحوثات تصير على هذي المواضيع

بس مافيه نتائج ملموسة بقوه

شكراعلى تفاعلك

===============

"أبو أزهرالدبيبي"

الكــل يبحث عن راحته الشخصية , ولايهمه غير المتعة والإستمتاع والتلذذ ولو على حساب الآخرين

كما تعلم أخي "أبو أزهرالدبيبي" لن يغير الله ما بقوم حتى يغيروا ما بأنفسهم

والجميع هذي الأيام منشغل بنفسه وكل همه ينفذ طلباته وبس

حتى أنه فيه ناس تكون أنانية حتى مع أهلها

أين هم أصحاب القلوب الرؤوفة الرحيمة الذين يتصدقون ويتبرعون لله

موجودين هذي الناس لكن .. محتاجين لتعاضد أكثر من ناس أكثر..

بين الفينة والأخرى نتكلم عن الخمس والأخماس .. بينما حينما ننظر للواقع فإن الكثير من الناس يتهربون من دفعه , بينما هو واجب شرع

لقد أجبت على نفسك .. فكيف بالمستحب وهو الصدقة

وكيف أنه باب لزيادة الرزق وتطهير المال .. أضيف هذا

لكن من يعلم .. ناس تحب القرش .. مايطلع من عندها لريال إلا طايحة دمعه عليه

الله في كتابه العظيم يقول ( وأما السائل فلاتنهر ) ..

كلامك صحيح .. ولنا مثال عظيم .. والله عظيم .. حين بقي أمير المؤمنين

وسيدة نساء العالمين .. صياماً ثلاثة أيام .. إلا من الماء..

لأنهم كانوا يتصدقون بفطورهم .. فوينكم يالشيعة

اللي تقولون قدوتكم أهل البيت..

أخيراً أقدر لك مرورك الكريم

===================

[الغالي]

سلام

" كيفي سيهاتي "

تصدق أطلع مناطق برا الشرقية

وأعض على أصابيعي حسره

ليش؟

لأن أشوف هناك البنات محتشمين في العباة .. أكثر من بناتنا أحنا يالشيعة

يا أهل سيهات والقطيف

والله قهر .. وين راحت ديك الأيام .. اللي المره ما يبن منها شي !!

والله يا بنات حلاتكم بستركم بحجابكم بعبايتكم

وأنا في هذا الموقف أوجه سؤال لكل وحده تلبس مخصر أو ما تلبس

أنتي في قرارة نفسك راضية إنك تطلعين بهذا الشكل قدام الرجال واللي يسوا واللي ما يسوا؟

بالإضافة إنك تبرزين مفاتنك لكل رجال أجنبي تجي عينه عليك

تسلم أخي لتواجدك
============

"الطفل الحزين"

مواعيد عرب قلت لي

تدري اخوي ما دمرنا غير مواعيد العرب اللي حقنا

تصدق من أكره الأشياء عندي الإنتظار

أنتظر أحد على وقت محدد وجيني بعد كم ساعة ويقولي مواعيد عرب

خوووووش

الإنتظار قاتل :dseq:

أنصحك اخوي إذا انتظرت أحد واتأخر لاتنتظره

شوفلك أي شي ثاني ممكن تستفيد منه واستغل وقتك

أو حتى أطلع مع أحد ثاني .. لأنه ما احترم موعده

إلا إذا عطاك خبر إنه بيتأخر .. أو إن هذا الشخص

مو من عاداته يتأخر .. أو ماتكررت منه هذي الحركة

فممكن تعذره .. خصوصا إذا كان يستاهل

تسلم
===========

" مجهولة التفكير "

في أوقات إزدحام السيارات .. قد يفقد السواق أعصابه

ممكن أقل الشي ينرفزه.. لكن مايعطيه الحق إن يتصرف مثل هذا التصرف..

المفروض مثل ماقلتي يكلمه بهداوه.. وحتى يمسكه من يده ويوصله للرصيف

مو يسطره

للتنويه فقط : كان من الأفضل لو استخدمت " ذوي إحتياجات خاصة " بدل " معوق "

وأقدر لك على وجودك معنا


تحياتي لكم

أخوكم الغالي mm

[المحروس]

الله يعطيك العافيه على هالموضوع الطيب،

********

أنفجر لما أسمع واحد يقول (ها اخويه)، يعني يكون كاشخ :hat:، تكلمو مثل الناس الله يهديكم

********

أنفجر لما أشوف واحد لابس كردي، والا بنطلون مرسوم عليه نار من تحت، بالله عليك كم التاريخ اليوم

********

أنفجر لما أشوف واحد راكب امبرتا (دباب معفن) :gvb: ، ودي لو تصور نفسك وتعلق الصوره في البستان

********

أنفجر لما أشوف واحد جالس في الكورنيش ويلمع كفرات السياره، باقي شوي ويلحسهم بلسانه، يا رجل تعال خذ خمسه ريال وخل الصديق يغسل السياره أبرك من لهبال الي تسويه، السياره تلق وانت ريحتك ما لها داعي :crazy:

********

عاد الي يقتلنا لما واحد توه اليوم يشيل حديد ويطلع للعالم مو عارف يمشي، ايده بعيده عن جسمه ونافخ صدره ويمشي مثل معوق تقول بطريق :flex:

********


ولالله موضوعك نرفزني وشكلي بنفجر :compress:

[girls]

اخوي الغالي
خلاص انفجرت,اكرة شيء عندي اني اكتب مواضيع في المنتدىو ارجع بعد كم ساعة والاقيها محذوفة:busted_re بدون سبب, يعني انا حتى لو ماعندي اسلوب, والموضوع اللي كتبتة تافة وكلة اغلاط املائية بعد, من حقي اعبر عن رايي طالما انة لايسيء لاحد, او على الاقل يتم حذف الموضوع بعد ما يتم تبليغي برسالة قصيرة :mad:

تحياتي

[القوس الملتهب]

المحروس أمانه,

فحافظوا عليها........... ام المحروس

الله يحفظك من كل عين ..... أعحبتني نرفزاتك و أنا معك فيها


خلاص انفجرت,اكرة شيء عندي اني اكتب مواضيع في المنتدىو ارجع بعد كم ساعة والاقيها محذوفة بدون سبب


أكيد فيه سبب ... قولي لي الموضوع وانا اقولك السبب ... صرت خبير بسياسة المنتدى :msn-wink:

[الغالي]

سلام

تحياتي لكل الأعضاء الذين نفسوا عن ضغوطاتهم

=====================

" المحروس

"أنفجر لما أسمع واحد يقول (ها اخويه)، يعني يكون كاشخ

تصدق يصدقون نفسهم كاشخين .. وخذ هذي القصة دليل وواقع ملموس..

مره كنت مودي سيارتي عند " البدير" أصلحها .. المحل اللي قبال المقبره.. رحم الله موتانا

وأنا أتكلم معاه عن سيارتي جى واحد من شلة " أخويه "


البدير: هاه .. وينك وكيف تروح المدينه وما تقولي!!

شلة اخويه : والله اخييييه صارت فجأة وما مداني أقول لأحد >> مع مراعات حذف الواو والتشديد على الياء يعني تنطق أخيييييه
+
مراعات رفع الفانيلة والتمسيح على البطن
+
مراعات الإقتصاد في لبس لنعال يعني إنك تخلي نص رجلك برا لنعال حق ينسحط صح
=

كوووول

احين اقدر اكمل القصة

شلة أخويه : المهم استوت السيارة ولا بعدها؟

البدير: بعدها والله انت شكلك ما رحمتها

شلة اخويه: والله اخييييييه جات لي ***** تطعيس ورحة هافمون طعست وما ارتحت إلا يوم عفست السيارة اخييييييييييييييييييييييييييييييييييييييه>> والديب محسب حاله قوي أخييييييييييييه المحروس

============

أنفجر لما أشوف واحد لابس كردي، والا بنطلون مرسوم عليه نار من تحت، بالله عليك كم التاريخ اليوم


بعدهم موجودين ؟

خبري هذي المخلوقات في سيهات انقرضت

بس باقي سلالة بني عوام

============

أنفجر لما أشوف واحد راكب امبرتا (دباب معفن)

والله صدقت

أنا أنفجر لما أشوف اللي بالسبورت

اللي صوته ينسمع من آخر الدنيا .. ويجون لك حتى في الرطوبة>> صحراويين

وتشوف وجهم منعج وحالتهم لله .. بس ويش تقول

==============

أنفجر لما أشوف واحد جالس في الكورنيش ويلمع كفرات السياره، باقي شوي ويلحسهم بلسانه، يا رجل تعال خذ خمسه ريال وخل الصديق يغسل السياره أبرك من لهبال الي تسويه،


هههه

ويا كثرهم في كورنيش القطيف .. وعلى ويش ما أدري

إذا خلص تنظيف ركب وأخذ فرتين .. وبعدين رجع وقف قدامها يعرض أزياء

لا ومن زين الوجه .. يلمع وخايس من الحر وزين إذا مو الشعر مملس وواقف مثل الحطب وفارقنه

================


عاد الي يقتلنا لما واحد توه اليوم يشيل حديد ويطلع للعالم مو عارف يمشي، ايده بعيده عن جسمه ونافخ صدره ويمشي مثل معوق تقول بطريق

والمشكلة إنك أمس توك تشوفه في الشارع معضرط>> مصطلح سيهاتي بحت

وكل من جى تلطيخ فيه وفجأء مره وحده

سبحان الله تشوفه يمشي لاحد يكلمني

لابس فنايله حربيه رااااااااااااااصه لو تسوي لها شك

انشقت

==========

تسلم اخوي مو اخيييييييييييييييييه

[الغالي]

سلام

"girls"يعني انا حتى لو ماعندي اسلوب, والموضوع اللي كتبتة تافة وكلة اغلاط املائية بعد,

أكيد كلامك صحيح 100%

وفي رأيي مواضيع المفروض تنحذف من المنتدى

مو بس لأنها مسيأة للقارىء

لكن مسيأة حتى للمنتدى لكن للأسف ماتنحذف

حقي اعبر عن رايي طالما انة لايسيء لاحد

يقولون شعار المنتدى " حرية الرأي" مدري صحيح أو إشاعة

على الاقل يتم حذف الموضوع بعد ما يتم تبليغي برسالة قصيرة

أنا قرأت مره في المنتدى إن" إذا تم حذف موضوع سيتم إبلاغ العضو الكاتب"

والكلام كثييييييييييييييييييييييييييييييييييييير والفعل قليل

وين المشرفين!!

أرجو أختي أن ترسلي لي نسخة من موضوعك لأطلع عليه

شكرا

==============

" القوس الملتهب "

شكرا على تواجدك

=============

تحياتي الغاليmm

[الغالي]

الآن جاء دوري لأخبركم بقصة أخرى وقعت .. ولم تقع في الحياة فقط.. بل وقع صداها في قلبي..

في صدري.. في دموع عيني ..

منذ أيام كنت ذاهبا مع أحد الأصحاب إلى المطعم .. ذهبنا بجانب الأطعمة وأخذنا نتحث مع العامل عن الطعام المتوفر..

فجأة سمعنا صوت صراخ من الخلف .. شخص .. أخجل أن أسميه إنسان .. رجل .. تأبى الرجولة أن ينتمي إليها.. أفضل أن أسميه سوري فقط>> لمعلم حق المطعم كان سوري

السوري: شو.. أنا عم بشتغل مع حريم .. خلاص بكي ساعة ساعتين خلاص.. مو بدو يمشي المسجد .. أنا عندي شغل لازم يخلص

في الجهة المقابلة .. كان يقف عامل .. إنسان .. طاقة من الحزن .. أجل حزن مغترب.. مزيج ممن
قست الدنيا عليه .. ينظر بقهر وألم وكره إلى السوري

تبادر إلى أذهان من تواجد في المطعم أو حتى من لو كان هناك مالذي جعل هذا السوري يغضب هكذا!!

سألنا العامل عن السبب .. أخبرنا أن أب العامل الآخر قد توفي وأن العامل يرغب فقط .. في الذهاب

إلى أحد المساجد والصلاة على أبيه كعادة عندهم فقط لا أكثر.. فلم يلاقي غير الشتم والإهانة

لا أدري منذ متى صارت حتى مشاعر الناس مملوكة بمن يرأسهم .. يمنع حتى من البكاء.. لعن الله غاصبي سيدتي فاطمة .. لم تحدث إلا هناك .. واليوم أرى الظلم والأوجاع تتجدد في صورة أو أخرى

أعلم رفعت ضغطكم بهذه القصة.. لكن تمالكوا أنفسكم فهناك المزيد

تحياتي الغاليmm

[girls]

السلام عليكم
اخوي الغالي
بعد ماانفجرت :bomb: وعبرت عن انفجاري في موضوعك وصلني على الخاص رسالة اعتذار من احدى المشرفين في الواحة الاجتماعية, واللة الانفجار جاب لي نتيجة:clap:
تحياتي للجميع:re:

[ملك العشق]

السلام عليكم
فكرة جميلة تساعد في اطفاء الغضب اللذي تسببه المشاهد اليومية التي نمر بها

يوجد الكثير من المواقف التي ترفع ضغطي كلما اراها :ranting2: . ساكتفي بذكر القليل وساعود لاحقا.
كتابتها باللغه العاميه تعطي صورة اوضح للمواقف ;)

1. مشكلة النظام لدينا. مادري ليش بعض الناس ما يلتزمون بها. هل غرور؟ عدم وعي؟ ترفع ضغطي فووق. مثلا:
أ. في البنك: تشوف الناس ملتزمين ينتظرون الرقم. ويجيك -الله يستر علينا وعليه- ويخش عرض ويخلص معاملته ويمشي :لا:

ب. في الشارع خصوصا في الاشارات: قــــمـــة التخلف -معذره على الكلمه- للاسف عندنا منتشرة يجيك فلان الفلاني باي طريقة يبي يوقف اول واحد في الاشارة وما يحترم المحترمين اللي واقفين صح وراه , تشوفه يروح يمين ويسار اهم شي يوقف اول واحد. والقـــهـــر تشوف في الاخير يمشي والاشارة بعدها ما تصير خضرا بمعنى قطع الاشارة.

2. في بعض نقاط التفتيش المنتشرة والتي تساهم في حمايتنا -الله يقويهم- : مادري ليش مزاج بعض رجال الامن يتغير لما امر عندهم. -الحمد لله امشي مثل الناس وسيارتي عاديه ما هي مشبوهه- تشوفه يمشي اللي قدامك كلهم بالرغم من انهم شابا مثلي لكن لم اوصل لرجل الامن :cd: الرخصه والاستمارة ووين رايح وهل السيارة باسمك ؟!!!! :confused: "وين رايح يعني قدامي مافيه الا الجامعه وين بروح يعني" لكن ما عليكم محافظين على راحتنا وحمايتنا.

3. في طريق الظهران السريع -الهاي وي- الطريق مغلق يشتغلون فيه -صار لهم دهر يشتغلون وهذا دليل على دقة العمل عندهم- لذلك ملزمين انا نمشي في الطريق المحلي :confused: لكن الله لا يرويكم التخلف اللي يصير . ياناس يا عالم طريق ضيق وسرعه محدوده لكن لا حياة لمن تنادي . بعض الناس تشوفهم مستهترين ويجازفون بحياتهم وحياتنا بتجاوزاتهم الخطره واصرارهم على السرعه . مادري ليش ما يصبرون يمشون بهداوه خصوصا طوال الطريق المحلية المزحوم. الله يهديهم

4. القمة الثانية في التخلف اشوفها في الشباب اللي يقضون وقت الظهر وقت حرارة الشمس عند مادارس البنات يضايقون خلق الله. اسمع من قريباتي ان بشكل رسمي يوميا يتجمع الشباب ويتصيدون:icon6: . الله يهديهم لهدرجه الفراغ عندهم؟ والاعظم اذا سيارتهم متكسره و ما فيها مكيف بعد لهدرجه مهم عندهم الروحه عند المدرسه. لاحول الله.

:D معذرة اذا طولت عليكم
بس والله مواقف ترفع الضغط وتفجرنا . وللاسف ان مواقف ليس لها حل

وشكرا.

[الغالي]

سلام

" girls"

الحمدلله .. الله يسمعنا الأخبار الطيبة

عاد بها المناسبة .. يبي لي الحلى

مو أنا خلاص صرت " الغاليmm رمز العدالة وناصر المظلومين "

انشالله دوم يا مشرفين

===========

[الغالي]

سلام

" ملك العشق "

مرحبا بك عضوا في موضوعنا المتفجر .. لقد ألفت إنفجارك نظري في عدة مواضع

مشكلة النظام لدينا

أنسى شي أسمه نظام عند العرب إلا من رحم ربي

في البنك: تشوف الناس ملتزمين ينتظرون الرقم. ويجيك -الله يستر علينا وعليه- ويخش عرض ويخلص معاملته ويمشي

شكله بو الشباب عنده الخدمه الذهبية

تصدق مره رايح عند البنك البريطاني قبل ما تخلص صلاة العصر بخمس دقايق ..

ولا أشوف الناس مثل أفريقيا عند شباك المجاعة .. متكودين الله وكيلك عند الباب ودف فيه

حتى السكورتي مسكين جاي يفتح الباب وخايف .. ويفتح الباب ويحط الرجل

مابقى يلايم إلا ثيابه .. ووين جهاز الأرقام ووين الناس المصافيع

اللي سحب له ثلاث أرقام واللي سحب اثنين .. على ويش ماتدري

لا والمصيبه حتى من الموجودين كانوا هنود حتى لهنود تعلموا
ب. في الشارع خصوصا في الاشارات: قــــمـــة التخلف -معذره على الكلمه- للاسف عندنا منتشرة يجيك فلان الفلاني باي طريقة يبي يوقف اول واحد في الاشارة وما يحترم المحترمين اللي واقفين صح وراه , تشوفه يروح يمين ويسار اهم شي يوقف اول واحد. والقـــهـــر تشوف في الاخير يمشي والاشارة بعدها ما تصير خضرا بمعنى قطع الاشارة.

:drive1: هذا المصيبة السعودي من أول ما يمشي عطوه سيارة .. لكن أول مايسوق يكسر الدنيا

. في بعض نقاط التفتيش المنتشرة والتي تساهم في حمايتنا -الله يقويهم- : مادري ليش مزاج بعض رجال الامن يتغير لما امر عندهم. -الحمد لله امشي مثل الناس وسيارتي عاديه ما هي مشبوهه- تشوفه يمشي اللي قدامك كلهم بالرغم من انهم شابا مثلي لكن لم اوصل لرجل الامن

الشرطة في خدمة الشعب >> متأكد !!

في طريق الظهران السريع -الهاي وي- الطريق مغلق يشتغلون فيه -صار لهم دهر يشتغلون وهذا دليل على دقة العمل عندهم-

قول لهم الملك عبدالله الله يطيل عمره بيمر بكره .. نص ساعة وهو خالص

القمة الثانية في التخلف اشوفها في الشباب اللي يقضون وقت الظهر وقت حرارة الشمس عند مادارس البنات يضايقون خلق الله. اسمع من قريباتي ان بشكل رسمي يوميا يتجمع الشباب

والله من صدق اخوي .. حثالة .. والحل معهم صعب .. يعني لو اتصلت للشرطة بيقولوا يستنوا اختهم أو أو أو .. ويمكن حتى الشرطة :baaa2:

تسلم اخوي