الامين
01-07-2000, 12:39 PM
سأقول باختصار عن بعض ما يعمل عند الحج في البلد وسأوافيكم لاحقا عن التفاصيل :::: فقط لارضاء اختي شذى وفدك حتى لا يقولوا ان احنا قطعنا ....
كانوا يروحوا الأول الحج في ذي القعدة ( ثاني فطر ) وبعضهم في أول فطر يعني شوال ... ويروحون طبعا بعد ما طلعت السيارات (قبل سأوافيكم بها أيضا ) يروحون في سيارات الشام (سكس ويل) ويحطون الأغراض والناس مع بعض ... ويأخذون وياهم المرقد وصندوق الحياي (صندوق الحجاج) هذا الصندوق من حديد ومزكرش ويعتبرونه خاص بالحج ......
طبعا يطلع الحاج كأنه معرس ... يزفونه بالتهليل والاذان ... والحاج الميسور يقسم قروش على الصبيان .....
زين لما يروح مو مع أهله ... أهله ويش تسوي ...
في البيت تنصب مريحانه (مرجحانه) حطبتين وتحط بينهم حبال ... ويتجمعون صبيان وبنيات الفريج ويتمريحون (يتمرجحون) ويغنون .. ليش يسوونها ... (لا تضحكون) ... على شان الحاج لا ينعس ويرقد ...
ولما يهل هلال الأضحى , يسوون الدوخلة ويزرعونها حلبة ...
زين في العيد : يسوون خشبه ويلبسونها ثوب وغتره وعقال كأنها الريال اللي راح الحج ... ويتجمعون بعد الفريج ويقرون المولد ....
طبعا لما تجي عصرية العيد .. ما ينسون يأخذون الدوخلة ويروحون يرمونها في البحر .....
الحين ينتظرون الحجاج .... بعضهم يجي اخر الأضحى .....
فاذا جاو الحجاج ... طلعت الناس للاستقبال ... ففيه ناس تروح حتى توصل عند خط البدراني ويستقبلون الحجاج ... والاخرين يروحون النقى لأنه سيارات الشام ما توصل داخل البلد فيروحون هناك يستقبلون الأهل ويساعدونهم على شيل الأغراض ..... ويتحسسون الهدايا ....
تصدقون بعض الهدايا الأوله ... لا زالت الى الحين ... مثل الزمر واللي تشوف فيها صور مكه والمدينة .... وطبعا علك اللبان ....
ويازينها .....
------------------
اللي ماله أول ما له تالي
كانوا يروحوا الأول الحج في ذي القعدة ( ثاني فطر ) وبعضهم في أول فطر يعني شوال ... ويروحون طبعا بعد ما طلعت السيارات (قبل سأوافيكم بها أيضا ) يروحون في سيارات الشام (سكس ويل) ويحطون الأغراض والناس مع بعض ... ويأخذون وياهم المرقد وصندوق الحياي (صندوق الحجاج) هذا الصندوق من حديد ومزكرش ويعتبرونه خاص بالحج ......
طبعا يطلع الحاج كأنه معرس ... يزفونه بالتهليل والاذان ... والحاج الميسور يقسم قروش على الصبيان .....
زين لما يروح مو مع أهله ... أهله ويش تسوي ...
في البيت تنصب مريحانه (مرجحانه) حطبتين وتحط بينهم حبال ... ويتجمعون صبيان وبنيات الفريج ويتمريحون (يتمرجحون) ويغنون .. ليش يسوونها ... (لا تضحكون) ... على شان الحاج لا ينعس ويرقد ...
ولما يهل هلال الأضحى , يسوون الدوخلة ويزرعونها حلبة ...
زين في العيد : يسوون خشبه ويلبسونها ثوب وغتره وعقال كأنها الريال اللي راح الحج ... ويتجمعون بعد الفريج ويقرون المولد ....
طبعا لما تجي عصرية العيد .. ما ينسون يأخذون الدوخلة ويروحون يرمونها في البحر .....
الحين ينتظرون الحجاج .... بعضهم يجي اخر الأضحى .....
فاذا جاو الحجاج ... طلعت الناس للاستقبال ... ففيه ناس تروح حتى توصل عند خط البدراني ويستقبلون الحجاج ... والاخرين يروحون النقى لأنه سيارات الشام ما توصل داخل البلد فيروحون هناك يستقبلون الأهل ويساعدونهم على شيل الأغراض ..... ويتحسسون الهدايا ....
تصدقون بعض الهدايا الأوله ... لا زالت الى الحين ... مثل الزمر واللي تشوف فيها صور مكه والمدينة .... وطبعا علك اللبان ....
ويازينها .....
------------------
اللي ماله أول ما له تالي