الهدّار
13-03-2000, 08:50 PM
لبشي على البمبره واضحك على التينه !
سلام يهل الله سلام
وزي ما وهكت روحي وطقيت على صدرى
ماصدق واحدمن الشباب، ارسل لي إي ميل البارحة ويقول شتكدر إتكلم عن البمبره،
حيرني هذا الفتى كانه راسل تلكس وبيخسر لو بيوضح أكثر،
ولكن مثلي لا يحار ولا يحتار.
وأنا بعد ماصدقت الخبر واتصلت بالمبمبره وطلع خطها مكطوع من زمان بس الهندي إللي يمها ماكصر حول الخط عليهاولهنود مايقصرون!!
سألتها يابت لّيواد شيه ويش الخبر، ويش صاير في الديره
صاحت بكسيرة خاطر
وقالت إذا تبغي باقول إللي في خاطري كله،
قلت أريح:
قالت:
"عمري ماحد منكم يعرفه، ولا حتى أحد من أيدادكم إلا راحو ولا يو، أنا أم الخير المنسيه.
كنت من قبل برا السور ومدلـــله، واليوم وسطكم ذليله، ولا أظن واحد عنده ذات وأصل ينكرني وبالخصوص جيراني إللي أكلو مني وإللا حنيت عليهم بضلالي وقت الظهاري.
أنا من سنين ياهدار منسيه
طحت
ووكفت بحالي
صحت ياناس
نادبه يدلالي
وأنا من سنين
من سنين منسيه
كم وكم أنذليت وانهنت ولا شني فيّه ريحت أهلكم.
زرعت البلديه يمي أشيار أجنبيه، ودللوها وزينوها وأنتون رميتون عندي لخمام
قلنا جفا وصبرنا،
قلنا مذله وتحملنا،
يجي الغريب ويكسرني واضل مرميه وأنتون تشفون
والله هضيمه
ويتكم يعيال إردين،
وينكم يهل الفزعة مو بس الحشي عليه لوحدي
حتى على أولادكم وبناتكم ساكتين.
شيه، من إللي مدعي عليكم، وإلا إهيه عين عدو وصابتكم،
يابدور ماتمت والخسف جاها
يارجال نامت وانشف ماها
وياديرة الهمه
هيه:وين الهمه، أدورها في الميتين!؟
جي ولد حلال وماقصر سندني بعمود واجبر كسري.
بس ودي أناشدكم بحق الجيره والماي والملح والشتا والكيض ....
يالله من مال الله
واحد من المحسنين يصدق ويعتني بالحال،
أو يزرع يمي من ضلوعي,
تري عمركم من عمرى،
شفتون أشلون ماصادني الكص ولا تعديل الطريج، بس حق تعرفون حقى ومثل ماتأسفتون على البري وعين العوده والشماليه ونخيل حكروص بجي اليوم إلي بتأسفون عليه
وبعدهاكلكم
صغيركم وكبيركم
صالحكم وطالحكم
صدقوني بتموتون!؟.
يقولون فيه في البلد وايد اولاد نعمه وخير,
يقولون فيه في البلد شباب همه وعزم،
يقولون فيه من بعده طيب ويواصل الرحم،
تدلوهم عليه
وقولوا لهم يدتكم وريحة أهلكم وحياة إلي راحوا ولا ياو
تسأل علي باب الله
وتقول يالله من مال الله.
وسلامتكم.
[هذا الموضوع تم تحريره بواسطة الهدّار (في 14-03-2000).]
سلام يهل الله سلام
وزي ما وهكت روحي وطقيت على صدرى
ماصدق واحدمن الشباب، ارسل لي إي ميل البارحة ويقول شتكدر إتكلم عن البمبره،
حيرني هذا الفتى كانه راسل تلكس وبيخسر لو بيوضح أكثر،
ولكن مثلي لا يحار ولا يحتار.
وأنا بعد ماصدقت الخبر واتصلت بالمبمبره وطلع خطها مكطوع من زمان بس الهندي إللي يمها ماكصر حول الخط عليهاولهنود مايقصرون!!
سألتها يابت لّيواد شيه ويش الخبر، ويش صاير في الديره
صاحت بكسيرة خاطر
وقالت إذا تبغي باقول إللي في خاطري كله،
قلت أريح:
قالت:
"عمري ماحد منكم يعرفه، ولا حتى أحد من أيدادكم إلا راحو ولا يو، أنا أم الخير المنسيه.
كنت من قبل برا السور ومدلـــله، واليوم وسطكم ذليله، ولا أظن واحد عنده ذات وأصل ينكرني وبالخصوص جيراني إللي أكلو مني وإللا حنيت عليهم بضلالي وقت الظهاري.
أنا من سنين ياهدار منسيه
طحت
ووكفت بحالي
صحت ياناس
نادبه يدلالي
وأنا من سنين
من سنين منسيه
كم وكم أنذليت وانهنت ولا شني فيّه ريحت أهلكم.
زرعت البلديه يمي أشيار أجنبيه، ودللوها وزينوها وأنتون رميتون عندي لخمام
قلنا جفا وصبرنا،
قلنا مذله وتحملنا،
يجي الغريب ويكسرني واضل مرميه وأنتون تشفون
والله هضيمه
ويتكم يعيال إردين،
وينكم يهل الفزعة مو بس الحشي عليه لوحدي
حتى على أولادكم وبناتكم ساكتين.
شيه، من إللي مدعي عليكم، وإلا إهيه عين عدو وصابتكم،
يابدور ماتمت والخسف جاها
يارجال نامت وانشف ماها
وياديرة الهمه
هيه:وين الهمه، أدورها في الميتين!؟
جي ولد حلال وماقصر سندني بعمود واجبر كسري.
بس ودي أناشدكم بحق الجيره والماي والملح والشتا والكيض ....
يالله من مال الله
واحد من المحسنين يصدق ويعتني بالحال،
أو يزرع يمي من ضلوعي,
تري عمركم من عمرى،
شفتون أشلون ماصادني الكص ولا تعديل الطريج، بس حق تعرفون حقى ومثل ماتأسفتون على البري وعين العوده والشماليه ونخيل حكروص بجي اليوم إلي بتأسفون عليه
وبعدهاكلكم
صغيركم وكبيركم
صالحكم وطالحكم
صدقوني بتموتون!؟.
يقولون فيه في البلد وايد اولاد نعمه وخير,
يقولون فيه في البلد شباب همه وعزم،
يقولون فيه من بعده طيب ويواصل الرحم،
تدلوهم عليه
وقولوا لهم يدتكم وريحة أهلكم وحياة إلي راحوا ولا ياو
تسأل علي باب الله
وتقول يالله من مال الله.
وسلامتكم.
[هذا الموضوع تم تحريره بواسطة الهدّار (في 14-03-2000).]