الجدول الصيني لتحديد جنس الجنين

[طيف الاحبه]

السلام عليكم
من خلال الجدول الصيني لتحديد جنس الجنين نقدر نعرف جنس الجنين وذالك يعتمد على عمر المراه والشهر الي حصل فيه الحمل والصراحه رغم ان كثيييير معارضين عليه الا انه بالفعل اثبت عند كثيييير من الحالات صحته ونسبة صحة الجدول الصيني 99%
اما انا فجربته فطلع صحيح وجربت على صديقاتي وايضا صحيح سؤالي ما مدى صحت الجدول الصيني ومن لديها معلومات يااريت تفيدنا ويااريت كل وحده سبق وانجبت تشووف وش الي طلع لها في الجدول وتقول لنا هل هو صحيح والا لاااا وايضا الحوامل والي عملوا اشعه
http://www.kenshrin.com/servers/archives/medical/sex.html

هذا رابط الجدول الصيني واتمنى اشوف تفاعلكم بهالموضوع ونتعاون يمكن نقدر نكتشف من خلال تجاربكم مدى صحته
والي مااتعرف كيف تطلع تقولي وانا احسب لها سواء لاطفالها الي انجبتهم بدون ماتقولي جنس الجنين لاني رح اطلعه او الي حامل

راح ننزل لكم الجدول الصيني وطريقة الحساب فيه..
مع شروط لازم تلتزموا فيها واللي ماراح تلتزم..
راح تحذف مشاركتها ونعطيها تنبيه..
ولو خرجت الردود عن حدها راح يغلق الموضوع..

شروط الموضوع:
1- الطريقة راح تكون مشروحة بالتفصيل واللي ماتعرف ياريت ترسل معلوماتها الخاصة عن طريق الرسائل الخاصة لأي عضوة تعرف تستخدمه للحساب.>>المعظم معروفين ومانبي اي احراج والواحة يدخلونها نساء ورجال وأطفال.
2- اللي ماتعرف ترسل بياناتها الخاصة عن طريق الرسائل إلى العضوة طيف الأحبة.
2- رد ماله دخل بالموضوع الأساسي وهو الحساب ماله داعي ينكتب احتفطوا فيه.
3-المشاجرات بين العضوات والأعضاء ممنوعة منع بات.

دمتم بود

[moonlady]

شوفي يا حبيبتي ترى الجدول كله شلاخ

انامن سنتين كنت حامل وجربت الجدول طلع لي ولد





مع اني حطيت البيانات بدقه وبعدين قمت اغير شوي

مثلا الشهر الي تم فيه الحمل مره ازوده شهر ومره انقصه ونفس الشئ يطلع لي ولد

ولما سويت اشعة التراساوند





طلعت بنت






ونفس الشئ بنت خالتي انخدعت فيه لانها متمنيه عدل انها تجيب بنت

وقبل لا تحمل شافت الجدول وحددت الشهر اللي يصير فيه بنت وحملت بعدين في نفس الشهر

ولما جا موعد الاشعه راحت بكل ثقه على اساس انها بنت وطلع ولد






وغيرها الكثير الكثير من صحباتي طلع لهم النتيجه غلط

لان كل هالامور غيبيه ما يعلمهاالاالله سبحانه

[طيف الاحبه]

مشكوووره حبيبتي اتمنى انه يطلع غير صحيح
مع ان عن نفسي طلع صحيح وصديقاتي احسب لهم ويطلع صحيح
البعض يستند على صحته ان ممكن يكون متعلق بدرجة حرارة الرحم والبعض يستند على الفلك والصرااحه انا مافي مرره سويت لاحد الا ويطلع صحيح 100%

[سواسن]

السلام عليكم .. تشكري عزيزتي لطرحك المتميز .. اتمنى يكون صحيح
انا حامل ودي اعرف .. بنت ولا ولد .. بس حاولت كم مره مافهمت له

وشكرا ..

[طيف الاحبه]

هلا سواسن اذا ممكن تاريخ ميلادك بالميلادي السنه والشهر واليوم والشهر الي حملتي فيه واخر دوره شهريه

[Golden AGE]

اللهم صلي على محمد و على ال محمد

انا بصراحه اول ما حملت و حسبت على الجدول الصيني طلع ولد بس ربي ما اردا يتمم حملي و الحمدلله على كل شي , بس بنات عمتي و عمي كانوا دايما يجربونه و يطلع صحيح و الحين وحده من نسيباتي حامل و على حسب الجدول الصيني انه ولد و احنا بالانتظار..
بس رائي الشخصي عدم الايمان الكلي وا لثقه بهذا الجدول بس مجرد تحزير و تخمين يحتمل الصواب او الخطاء والله اعلم

[طيف الاحبه]

مشكوووره حبيبتي اكييييييد مو الثقه التامه فيه وللتخمين فقط او مثل الاشعه لمعرفة جنس الجنين لا غير اما انا فزوجي يتمنى اني احمل بولد لكني ما اهتميت للجدول الصيني ولا تعمدت احمل في شهر معين عشان ولد
يالله انتظر البقيه

[طيف الاحبه]

سواسن يعني حملتي تقريبا في تاريخ 15 محرم ؟ انشاء الله بنت والله اعلم
بس اذا سويتي اشعه لاااتنسين تخبرينا

[سواسن]

الله يسمع منك .. يارب
شكرا طيف الاحبه تعبناك معانا

[طيف الاحبه]

سواسن العفو حبيبتي ولااااا تعب ولا شي الله يسهل عليك انشاء الله وتقومي بالسلامه

[الدمعة الساكبة]

انا جربته ولكن مع يقيني التام "كذب المنجمون ولو صدقوا"
ويقين اكثر ان كل الامور بيد الله يصيرها كيف يشاء
وضبط معاي لكن كما قلت مو شرط الجدول الللي ضبط ولكنها مشيئة الله
على فكرة الجدول اللي حسبت عليه كان عن طريق موقع طفلي
بس احط العمر والشهر المتوقع الحمل فيه وهو يقوم بالواجب
نصيحة:
لاتعتمدوا اعتماد كلي على الجدول "كذب المنجمون ولو صدقوا"

[طيف الاحبه]

مشكوره عزيزتي بالفعل انا اتمنى ان يكون مو صحيح لان في عوامل كثيره تتحكم في جنس الجنين لكن الغريب ان دايم يطلع صحيح ولا وحده جربت لها الا يطلع صحيح